Yuridik kadrlarni qayta tayyorlash va malakasini oshirish institutining ilmiy faoliyati O‘zbekistonda “yurisprudensiya” mutaxassisligi bo‘yicha ilmiy salohiyatni kuchaytirish, oliy ta’limdan keyingi ta’lim institutlarida yuqori malakali ilmiy va ilmiy-pedagogik kadrlar - falsafa doktorlari (PhD) va fan doktorlari (DSc) tayyorlash, ilmiy tadqiqotlarni olib borish va uning natijalarini huquqshunoslikning barcha sohalariga tadbiq etish, oliy ta’lim va ilmiy-tadqiqot muassasalari, davlat va xo‘jalik boshqaruv organlari hamda boshqa tashkilotlar, shuningdek, xorijiy yetakchi oliy ta’lim va ilmiy-tadqiqot muassasalari bilan o‘zaro hamkorlikni yo‘lga qo‘yishga yo‘naltirilgan.

Ilmiy faoliyat va ilmiy tadqiqot olib borish Institutning professor-o‘qituvchilari, mustaqil izlanuvchilari, doktorantlarining eng muhim faoliyatlaridan biridir.

Institutning ilmiy faoliyat va ilmiy tadqiqoti O‘zbekiston Respublikasining “Ta’lim to‘g‘risida”gi qonuni, 2017-yil 16-fevraldagi O‘zbekiston Respublikasi Prezidentining “Oliy o‘quv yurtidan keyingi ta’lim tizimini yanada takomillashtirish to‘g‘risida”gi farmoni, 2017-yil 22-maydagi O‘zbekiston Respublikasi Vazirlar Mahkamasining “Oliy ta’limdan keyingi ta’lim tizimini yanada takomillashtirish chora-tadbirlari to‘g‘risida”gi 304-son qarori, O‘zbekiston Respublikasi Prezidentining “O‘zbekiston Respublikasida yuridik ta’lim va fanni tubdan takomillashtirish bo‘yicha qo‘shimcha chora-tadbirlar to‘g‘risida”gi, O‘zbekiston Respublikasi Oliy ta’lim tizimini 2030-yilgacha rivojlantirish konsepsiyasini tasdiqlash to‘g‘risidagi, Ilm-fanni 2030-yilgacha rivojlantirish konsepsiyasini tasdiqlash to‘g‘risidagi farmoni, O‘zbekiston Respublikasi Vazirlar Mahkamasining “O‘zbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti faoliyatini tashkil etish chora-tadbirlari to‘g‘risida” gi qarori, Adliya vazirligi Hay’atining 2025-yil 21-apreldagi 6/25-son qarori hamda boshqa qonun va qonunosti hujjatlariga asosan amalga oshirilmoqda.

Institutda ilmiy-tadqiqotning asosiy yo‘nalishlari quyidagilardan iborat:

05.01.09 – Hujjatshunoslik. Arxivshunoslik. Kutubxonashunoslik.

12.00.02 - Konstitutsiyaviy huquq. Ma’muriy huquq. Moliya va bojxona huquqi.

12.00.03 - Fuqarolik huquqi. Tadbirkorlik huquqi. Oila huquqi. Xalqaro xususiy huquq.